Korniza buxhetore e vitit 2022 u miratua nga Këshilli i Ministrave. Kështu u bë e ditur në një konferencë të përbashkët të kryeministrit Kirill Petkov dhe Ministrit të Energjetikës Aleksandër Nikollov pas mbledhjes së jashtëzakonshme të Këshillit të Ministrave. Sipas kryeministrit, buxheti i vitit 2022 është buxhet i rritjes. Investimet e qeverisë do të jetë 5.8 për qind e PBB-së, krahasuar me 2.9 për qind në 2021. Deficiti me masat Covid do të jetë 4.1 për qind. Kryeministri premtoi kopshte falas që në prill. Nuk do të ketë asnjë pensionist nën kufirin e varfërisë, tha gjithashtu ai. Të gjitha masat për të mbështetur biznesin si 60:40 dhe të tjera do të vazhdojë për të paktën 6 muajt e ardhshëm, si dhe masat mbështetëse për çmimet e larta të energjisë elektrike. “Pra, ne kemi një buxhet ku fokusohemi tërësisht tek investimet kapitale, kapitali njerëzor dhe askush të mos mbetet nën kufirin e varfërisë”, tha Petkov. Buxheti i ri ende nuk është miratuar nga parlamenti.