Agresioni ushtarak që po shohim është absolutisht i papranueshëm, tha Kryeministri Kirill Petkov, i cili po merr pjesë në një takim të Këshillit Evropian kushtuar ofensivës ruse në Ukrainë.

“Siguria energjetike e Bullgarisë është fokusi i qeverisë sonë dhe ne jemi të kënaqur që liderët e tjerë po e kuptojnë”, shtoi Petkov.

“Të gjitha vendet anëtare të BE-së që janë afër konfliktit po përgatiten të presin qytetarët ukrainas. Ne aspak nuk mund ta imagjinojmë se çfarë përjetojnë familjet që largohen nga shtëpitë e tyre në kërkim të shpëtimit, por ne mund t’u japim një dorë dhe t’u sigurojmë atyre strehim. Bullgaria do të përmbushë detyrën e saj, veçanërisht ndaj pakicës bullgare në Ukrainë”, theksoi kryeministri.