Në Bjellorusi kanë nisur negociatat ndërmjet delegacioneve ruse dhe ukrainase. Zëdhënësi i Kremlinit Dmitri Peskov tha se Moska nuk do të shpallë qëndrimin e saj zyrtar. Presidenti ukrainas Volodimir Zelenski ka thënë se është skeptik për arritjen e një përparimi.

Bullgaria po i bashkohet vendeve të tjera të BE-së dhe NATO-s që do të mbështesin Ukrainën me ndihmë humanitare dhe mbështetje ushtarako-logjistike, tha Kryeministri Kirill Petkov. Ekziston një listë kërkesash nga pala ukrainase, të cilat aktualisht janë duke u analizuar. Ne mund të sigurojmë ndihmë për disa prej tyre, tha Zëvendëskryeministri dhe Ministri i Financave Asen Vasilev për Nova TV.

Nuk do të jap dorëheqjen, por vendimin ua lë partnerëve të koalicionit, ka shkruar në profilin e tij social ministri i Mbrojtjes Stefan Janev. Nga “Bullgaria Demokratike” kërkuan dorëheqjen e Stefan Janevit për shkak të mosdëshirës së tij për të përcaktuar sulmin rus ndaj Ukrainës si një luftë.

Përfaqësuesi i lartë i Bashkimit Evropuan, Josep Borell, e quajti "papërgjegjësi gjigante" urdhrin e Presidentit Vladimir Putin që forcat bërthamore të Rusisë të jenë gati për shkak të ndihmës perëndimore për Ukrainën. Borrell theksoi se kjo nuk do ta pengojë BE-në për ta bërë të nevojshmen. Ministrat e jashtëm të BE-së kanë vendosur t'i japin Ukrainës armë për 500 milionë euro, duke përfshirë avionë luftarakë dhe karburant. Për herë të parë, BE-ja do të financojë furnizimin me armë për një vend të sulmuar.