Në 24 orët e fundit u zbuluan 515 raste të reja të koronavirusit në vend. Mbi 68 për qind e të infektuarve rishtazi nuk janë të imunizuar. 9.5 për qind e 5423 testeve të kryera janë pozitive, sipas portalit coronavirus.bg

Në spitale trajtohen 3172 pacientë me Covid-19, prej tyre 413 janë në njësitë e kujdesit intensiv. 77 të infektuar u pranuan në spitale në 24 orët e fundit. 82 për qind prej tyre nuk kanë imunizim kundër koronavirusit.

Në 24 orët e fundit vdiqën 21 veta me Covid të konfirmuar dhe të gjithë ata nuk kishin vaksina. U shëruan 868.

Të dielën u bënë 350 vaksina.

Testet për koronavirusin u përgjysmuan brenda një muaji.

75 nga 10 000 persona janë të infektuar me grip ose sëmundje akute të frymëmarrjes në fund të shkurtit. Në vitin 2021 në të njëjtën kohë të infektuarit ishin 57 nga 10 000. Më shumë sëmuren fëmijët nën 14 vjeç.