Rajoni varet nga energjia ruse, diskutuam se si funksionojnë disa prej tubacioneve në drejtime të tjera, kështu qe të mund të marrim gaz të lëngshëm nga Turqia dhe Greqia, folëm për korridorin 8, koordinimin për migrantët, strategjitë e mbrojtjes dhe sigurinë e ushqimit, tha Kryeministri Kirill Petkov pas takimit në Sofje të kryeministrave të Rumanisë, Bullgarisë, Malit të Zi dhe Maqedonisë së Veriut.

Korrupsioni lokal është instrumenti i ndikimit të Rusisë në rajon. Personat që janë të korruptuar në nivel lokal shpeshherë janë agjentë të interesit të huaj dhe ne duhet të luftojmë kundër tyre, tha Kryeministri bullgar.

Petkov njoftoi se më 28 mars me një fluturim humanitar do të evakuohen bullgarë nga Rusia dhe me ta do të kthehet edhe Ambasadori bullgar në Moskë.