Në takimin me kryesinë e Bordit Kombëtar të Turizmit, Presidenti Rumen Radev theksoi nevojën për një strategji kombëtare afatgjatë për zhvillimin e industrisë turistike. Ai bëri thirrje për masa urgjente për të kompensuar uljen e pritshme të turistëve rusë dhe ukrainas dhe rritjen e kostove në industri. Kreu i shtetit theksoi gjithashtu nevojën e përpunimit të politikave aktive shtetërore për zhvillimin e arsimit dual, i cili të përfshijë stazhe dhe praktika në fushën e turizmit në procesin arsimor. Ai vuri në dukje si veçanërisht të rëndësishëm zhvillimin e një fushate aktive dhe të suksesshme reklamuese ndërkombëtare të Bullgarisë si një destinacion turistik.