Gjatë 24 orëve të fundit, forcat ukrainase zmbrapsën 18 sulme ruse në Donbas, njoftoi shtabi i përgjithshëm i ushtrisë në Kiev.

Aviacioni rus dhe teknika e rënd janë të papërshtatshme për luftë moderne dhe nuk janë të pajisura mjaftueshëm për operacione ushtarake afatgjatë. Rusia tashmë humbi në disa fronte dhe është afër disfatës së saj përfundimtare, tha Ministri britanik i Mbrojtjes Ben Wallace, cituar nga “The Daily Mail”.

Në një përpjekje për të siguruar një sistem të mbrojtjes ajrore në ishullin Zmeini në Detin e Zi u godit anija e modernizuar ruse e transportit ushtarak “Vsevollod Bobrov”. Një zjarr shpërtheu në bord. Anija u tërhoq në Sevastopoll dhe do të qëndrojë jashtë shërbimit për një kohë të gjatë, njoftoi këshilltari i presidentit ukrainas Aleksej Arestoviç.

Kievi dëshiron të nënshkruajë një marrëveshje me Moskën për evakuimin e mbrojtësve dhe të plagosurve në uzinën Azovstal në Mariopoll, tha Zëvendëskryeministrja Irina Vereshçuk.

Për shkak të frikës për të pranuar humbjen strategjike, e cila është e qartë për të gjithë botën, Rusia vazhdon të bombardojë objektivat civile, tha Presidenti ukrainas Vollodimir Zelenski në fjalimin e radhës.