Tashmë ka interes të regjistruar nga kompani ukrainase që duan të zhvendosin bizneset e tyre në Bullgari. Kështu tha për BNR, Bogdan Bogdanov, Drejtor i Agjencisë Bullgare të Investimeve, para forumit të përbashkët të sotëm online me Dhomën e Tregtisë dhe Industrisë së Ukrainës. Ka edhe biznese ukrainase me prezencë këtu, të cilat synojnë të zgjerojnë aktivitetet e tyre, edhe kompani në biznesin e IT, të cilat synojnë të hapin zyra në Bullgari dhe të zhvendosin disa nga punonjësit e tyre, shpjegoi Bogdanov. Ndër të interesuarit ka edhe kompani të prodhimit. Sipas Bogdanov, Agjencia Bullgare e Investimeve është në kontakt me komunat me papunësi, e cila është më e lartë se mesatarja kombëtare, në mënyrë që t’u ofrojë kompanive ukrainase vende pune me një fuqi punëtore që mund të përfshihet.

Agjencia Bullgare e Investimeve shpreson se duke krijuar partneritete tani, kompanitë bullgare do të jenë në gjendje të eksportojnë në Ukrainë në të ardhmen dhe të marrin pjesë në rindërtimin e Ukrainës.