Vendet anëtare të BE-së duhet të jenë në gjendje të arrijnë një marrëveshje për të ndaluar importin e naftës ruse në kushte të caktuara, tha Kryeministri bullgar Kirill Petkov disa orë përpara Samitit të liderëve të BE-së në Bruksel, njofton Reuters.

“Mendoj se kjo do të jetë e mundur me disa derogime”, tha Petkov për planet për një embargo ndaj importit të naftës ruse. “Në përgjithësi, një embargo e tillë duhet të arrihet në varësi të disa karakteristikave dhe kritereve individuale që mund të kenë shtetet anëtare”, tha ai.

Nëse do të vendoset për ndalimin e importit të naftës nga Rusia, sigurisht që do të ketë një përjashtim për Bullgarinë. Këtë e deklaroi Kryeministri Kirill Petkov para fillimit të seancës së jashtëzakonshme të Këshillit Evropian. Bullgaria do të kërkojë shtyrje deri në dhjetor 2024.