Presidenti francez Emmanuel Macron është i gatshëm të takohet me autoritetet bullgare dhe maqedonase në Paris në kohën e duhur për të përfunduar një marrëveshje dypalëshe, njoftoi kabineti presidencial në Paris.

Macron foli në telefon me homologun bullgar Rumen Radev më 6 qershor dhe Kryeministrin maqedonas Dimitër Koveçevski si pjesë e “përpjekjeve të presidencës franceze gjatë javëve të fundit për të mbështetur kërkimin e zgjidhjes së mosmarrëveshjes midis dy vendeve dhe kështu të bëhet realitet perspektiva evropiane e Maqedonisë së Veriut”, thuhet në njoftim.

Nuk kemi ndërmend të ndërhyjmë në bisedimet mes Sofjes dhe Shkupit. Nuk po bëjmë presion. Roli ynë është të lehtësojmë dialogun, të propozojmë zgjidhje që, nëse është e mundur, të kënaqin të dyja palët, tha për TV1 Ambasadorja franceze në Sofje Florence Robin.

Në Sadovo, ku ndodhet për të parë dëmet e breshrit, Kryeministri Kirill Petkov komentoi se Sofja nuk do të bëjë asgjë nën presion. “Ajo që ne po përpiqemi të bëjmë është të shohim nëse dëshirat bullgare dhe nevojat bullgare, mbështetja e bullgarëve në Maqedoninë e Veriut mund të garantohen përmes një procesi evropian”, tha Petkov.