Pas një ndërprerje 2 vjeçare për shkak të Covid-19, Salloni i Automobilave në Sofje përsëri hapi dyer. Në të janë paraqitur mbi 200 eksponate të 32 markave automobilash. Ajo mund të shikohet deri më 12 qershor në katër sallonet për ekspozitë të Inter Ekspo Centër në kryeqytet. Aty në një vend vizitorët mund të shikojnë modele të dekoruara në ekspozita të tjera për automobila, 15 premiera të automobilave, 33 modele krejtësisht elektrike dhe 70 makina hibride. Adhuruesit e shpejtësive të larta do të kenë gjithashtu mundësinë të testojnë disa nga modelet e disponueshme në treg.

Ekspozuesit theksojnë se aroma e benzinës dhe e naftës tashmë po zhduket, sepse makinat moderne janë të ngarkuara me energji elektrike, duke u ofruar të njëjtën fuqi dhe luks pasagjerëve. Në ekspozitën ndërkombëtare nuk ka tendë pa model të elektrizuar, theksojnë organizatorët e Sallonit të Automovilave 2022. Për vizitorët e ekspozitës janë planifikuar shumë surpriza dhe çmime, të lidhura sërish me pasionin për makinat.

Përpiloi: Gergana Mançeva

Përgatiti në shqip: Nataniela Vasileva