Direktiva evropiane për import pa taksë doganore nga Ukraina është gati të zhvendosë prodhimin bullgar, i cili rriti në mënyrë drastike koston e tij për shkak të çmimeve të rritura të karburanteve dhe plehrave. Sipas përfaqësuesve të organizatave të degëve, kjo do të ndikojë negativisht tek prodhuesit e mëdhenj të drithërave dhe do të çojë në falimentime në fermat më të vogla.

Sivjet vetëm sipërfaqet e mbjella me grurë në rajonin e qytetit Dobriç janë rreth 1 300 000 dynym, ndërsa rendimentet mesatare të pritshme janë ndërmjet 550-600 kg. Sipas Ministrisë së Bujqësisë, në vitin 2021 Bullgaria renditet e 11-ta në botë për eksportin e grurit në mbi 30 vende, dhe në të njëjtin vit gruri përbënte gati 20 për qind të totalit të eksportit bujqësor të Bullgarisë.