Zëvendëskryeministri për fondet evropiane dhe Ministër i Financave në dorëheqje Asen Vasilev e përshëndeti vendimin e sotëm të Komisionit Evropian, me të cilin miratoi financimin për Bullgarinë në vlerë prej 11 miliardë euro. Gati 50 për qind e këtyre fondeve do të investohen në rajonet më të prapambetura ekonomikisht të Bullgarisë Veriore. Fondet do të ndahen edhe në formë të bashkëfinancimit për ndërtimin e tunelit “Shipka” – tuneli i parë që do të kalojë përmes malit Stara Pllanina. Këtë e bëri të ditur Zëvendëskryeministri i dorëhequr Asen Vasilev. Sipas tij, me mjetet e siguruara, Bullgaria do të arrijë një standard të mesëm evropian të jetesës.

Fondet euro janë në përputhje me politikën e kohezionit dhe synojnë të nxisin kohezionin ekonomik, social dhe territorial në rajonet bullgare.