Më shumë se një herë kemi prekur temën e emigrimit në Perëndim ose përtej Oqeanit, në kërkim të një jete më të rregulluar, të punës dhe aftësisë njerëzore më të vlerësuar dhe të shpërblyer. Shkaqet për këtë zgjedhje, si dhe statistika negative demografike, po kështu kanë qenë objekt i jo një analize të vetme.
Por, lexuesit tanë e dinë shumë mirë se, krahas problemeve me të cilat ndeshemi në Bullgari dhe jashtë kufirit mundohemi të ofrojmë dhe shembujt e mirë për bashkatdhetarët tanë, të cilët i kanë kushtuar një pjesë nga koha e tyre e lirë mirëqenies së komuniteteve bullgare në mbarë botën. Një shembull i tillë është dhe Tanja Staneva - financiere, e cila jeton në Bruksel, punon në një qendër personale arsimore, kurse gjatë kohës tjetër është një pjesë nga Asociacioni Kulturor Bullgar. Me ndihmën e bashkëmendimtarëve të tjerë me profesione të ndryshme - shkrimtar, gazetar, IT-specialist, jurist, mësues, politolog e të tjerë, ajo organizon një sërë ngjarjesh me të cilat afron dhe bashkon bashkësinë bullgare në Belgjikë.“Ajo të cilën unë e di nga ambasadori bullgar në Belgjikë është se në vend janë rreth 50 000, ku vetëm në Bruksel janë rreth 15 000. Në kryeqytet ka dhe Shkollë Bullgare “Pejo Javorov”, në të cilën mësojnë 350 ose 360 fëmijë, shënoi në intervistën për Radio Bullgarinë Tanja Staneva.
I krijuar gjatë vitit 2017, asociacioni përjeton peripeci të shumta, derisa të afirmohet. Akoma nuk disponon një godinë personale.
“Unë iu bashkova një grupi njerëzish të rinj, të cilët ishin shumë të sigurt dhe këmbëngulës.I shkruam disa letra ministrive dhe institucioneve të tjera në Bullgari, në lidhje me një ndërtesë që e gjetëm dhe e konsideruam të përshtatshme për shtëpi të asociacionit. Është e panevojshme të thuhet se asgjë nuk doli nga kjo, sepse institucionet filluan të zhvendosnin përgjegjësinë për të, gjë që na bëri të heqim dorë nga shfrytëzimi i saj. Kështu, për çdo eveniment duhet të marrim me qira ambiente të llojeve të ndryshme.”
Një nga evenimentet më emocionuese, të cilat i organizoi asociacioni është Festivali i Librit Bullgar. Sipas fjalëve të Tanjës, forumi nuk ka një analog të vet në asnjë vend tjetër të botës, sepse përveç takimeve me disa prej autorëve më në zë vendas, u lejon bullgarëve të zgjedhin dhe të blejnë libra të rinj bullgar më emocionues. Pavarësisht dhe me përmasa më modeste, tregu i librave sivjet po kështu ka gëzuar një interes të madh.
“Më kujtohet se, vjet, posaçërisht për të nga Bullgaria mbërritën një ton e gjysmë librash, një pjesë e madhe e të cilëve duhej t'i kthenim, pasi nuk mund të shiteshin. Në Bruksel është krijuar një bibliotekë, e emërtuar “Sofja”- tregon Tanja Staneva. - Biblioteka disponon mjete për blerjen e librave të rinj, zgjedhim se cilat prej të tjerave mund tu shpiem, që të mund të merren dhe të lexohen prej bullgarëve.”
Gjatë vitit të kaluar shoqata ishte motori kryesor i një ngjarjeje, kushtuar 24 majit-Ditës së Vëllezërve të Shenjtë Kirill dhe Metodij, të Alfabetit Bullgar, Shkencës dhe Kulturës dhe të Letërsisë Sllave. Ajo quhet “Germat Bullgare në Belgjikë” dhe është një pjesë nga projekti i fondacionit “Lexo Sofja”- “Germat e Fshehura”.
Ajo përfaqëson shtatë stola, të krijuara në formën e shkronjave që nuk kanë analog në alfabetin grek ose latin - ж, ч ш, щ, ъ, ю, я.Deri në momentin e fundit, ngjarja ishte nën një pikëpyetje për shkak të pandemisë dhe problemeve të financimit, kujtohet Tanja.
Përgatiti në shqip: Nataniela Vasileva
Foto: Facebook/ Association Culturelle Bulgare en Belgique
Të dhënat e censusit të popullsisë në vendin tonë, të kryer në vitin 2021, tregojnë se në vend jetojnë 654 547 persona, të cilët janë me paaftësi të përhershme pune ose aftësi të kufizuara . Prej tyre, 22 248 janë fëmijë, dhe 632 299 janë persona të..
Këneta е Bojanës është e vetmja ligatinore natyrore në territorin e Sofjes, e cila është ende shtëpia e një numri speciesh të mbrojtura të bimësisë ujore, amfibëve dhe zvarranikëve. Ky fenomen natyror ndodhet në 670 m mbi nivelin e detit midis disa..
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..