Vendi ynë mori ofertën për serinë e dytë prej tetë avionësh F-16 nga Kompania amerikane Lockheed Martin, bëri të ditur Ministri i dorëhequr i Mbrojtjes Dragomir Zakov. Afati i fundit për një përgjigje është fillimi i nëntorit të këtij viti. Sipas ministrit, oferta është e krahasueshme me të parën, por me një “paketë shumë më të madhe aftësish” dhe ka mundësi për të paguar pjesërisht. “Ky është një propozim për një kontratë që duhet të përcillet në Kuvendin Popullor. Afatet janë mjaft të shkurtra, kështu që në shkallë të madhe do të varet nëse parlamenti do të funksionojë”, shpjegoi ai. Megjithatë, nëse nuk funksionon Kuvendi Popullor, do të kërkohet një zgjatje e afatit për miratimin e propozimit.