Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Putin përmendi përparimin në eksportet e grurit të Ukrainës

Rexhep Erdogan dhe Vlladimir Putin - Teheran
Foto: ЕПА/БГНЕС

Rezultati i përpjekjeve ndërmjetësuese të Turqisë në lidhje me eksportet e grurit ukrainas do të ketë një ndikim pozitiv në botë”, tha presidenti Rexhep Tajip Erdogan, i cili u takua me homologun e tij rus Vlladimir Putin në Teheran. Nga ana e tij, Putin tha se të gjitha çështjet në lidhje me eksportin e drithit nga portet e Detit të Zi nuk janë zgjidhur ende, por prania e progresit tashmë është një shenjë e mirë. Ai gjithashtu i bëri thirrje Perëndimit që të heqë kufizimet në eksportet ruse të grurit nëse dëshiron të përmirësojë situatën në tregjet ndërkombëtare të ushqimit.

Ushtria e Ukrainës goditi një urë kyçe në territorin jugor të kontrolluar nga Rusia me raketa hedhëse “Hymars” të marrë nga SHBA, transmetoi Reuters. Dhe në një video të publikuar nga TASS, Kirill Stremusov, nënkryetari i administratës së emëruar nga Rusia të rajonit Herson, tha se ushtria ukrainase goditi urën Antonovski në Herson, duke dëmtuar rrugën, pa shkaktuar viktima. Ura e gjatë rreth një kilometër është një nga dy pikat e kalimit në territorin e kontrolluar nga rusët në anën perëndimore të lumit, ku ndodhet edhe qyteti kryesor i rajonit Herson, në të cilin jetonin 280 000 njerëz para pushtimit rus.

Zonja e parë e Ukrainës, Olena Zelenska, pranoi një çmim për të drejtat e njeriut në emër të popullit të saj në shenjë mirënjohjeje për luftën e ukrainasve kundër pushtimit rus, njoftoi Associated Press. “Është nder të jem këtu dhe të pranoj këtë çmim në emër të të gjithë burrave dhe grave ukrainase që luftojnë agresionin rus”, tha ajo gjatë vizitës së saj në Uashington. Olena Zelenska u prit në Shtëpinë e Bardhë nga presidenti Joe Biden dhe bashkëshortja e tij Jill, ndërsa sot ajo do të flasë para anëtarëve të Kongresit amerikan. Nga Kievi, Vollodimir Zelenski tha se fjalimi i saj do të jetë i rëndësishëm dhe se ai beson fuqimisht se do të dëgjohet nga vendimmarrësit në SHBA.




Последвайте ни и в Google News Showcase, за да научите най-важното от деня!

Më shumë nga rubrika

Katedralja e Patrikanës “Shën Aleksandër Nevski” feston 100 vjet nga themelimi

Në datat 22 dhe 23 nëntor, Kisha Ortodokse Bullgare do të kremtojë solemnisht njëqindvjetorin e shenjtërimit të Tempullit-Monument “Shën Aleksandër Nevski”. Për një shekull të tërë, Katedralja është "dëshmitare e të gjitha emocioneve, shpresave dhe..

botuar më 24-11-22 6.10.PD

Parashikimi i motit për 22 nëntorin

Ditën e premte era nga jugu do të forcohet dhe do të jetë mesatare dhe e fortë, në vendet paraballkanike dhe në shpatet veriore të maleve nga Bullgaria Jugore – me stuhi. Vranësirat do të jenë të shpërndara, të konsiderueshme në zonat perëndimore, por..

botuar më 24-11-21 7.40.MD

Mungesa e energjisë elektrike pritet në fillim të vitit të ardhshëm

Sipas një analize të Operatorit të Sistemit të Energjisë Elektrike, mungesa e energjisë elektrike pritet që në janar dhe shkurt. Në një konferencë tematike të organizuar nga Qendra për Studimin e Demokracisë në Sofje, Deljan Dobrev nga GERB shpjegoi..

botuar më 24-11-21 6.31.MD