Deputeti i Lëvizjes për të Drejtat dhe Liritë (DPS) Ramadan Atallaj akuzoi autoritetet për korrupsion në blerjen e gazit natyror. Para gazetës “24 çasa” ai bëri të ditur se më 27 korrik në raportin e komisionit parlamentar, i cili shqyrton ndërprerjen e kontratës me “Gazprom”-in rus, do të tregohet kompania ndërmjetëse përmes së cilës kryhen importet e shtrenjtuara. Në raport, për këtë ka raportime edhe të Agjencisë Shtetërore për Siguri Kombëtare, theksoi Atallaj dhe shtoi se deputeti i GERB-it, Deljan Dobrev, tregoi emrin e kompanisë nga e cila blihet gazi rus – “Wintershals”.

Kompania e regjistruar në Zvicër ishte, deri në vitin 2012, së bashku me “Overgaz Inc.” ndërmjetës në furnizimin e pothuajse gjysmës së gazit në Bullgari që vjen nga “Gazprom”.