Ministria e Energjisë kontraktoi 7 anije mallrash me gaz të lëngshëm nga SHBA, të cilat do të përmirësojnë sigurinë energjetike në Bullgari. “Do të kemi nga një anije mallrash nga tetori 2022 deri në prill 2023”, tha Kryeministri i dorëhequr Kirill Petkov. Kontrata është lidhur sot, por me mundësi që të konfirmohet deri më 19 gusht. Kjo i jep mundësinë qeverisë teknike, nëse gjen ofertë më të mirë, ta përmbyllë atë, theksoi kryeministri i dorëhequr. Kusht për marrjen e sasive të gazit është që në muajin gusht Ministria e Energjisë të sigurojë infrastrukturën e nevojshme nga Greqia dhe Turqia. Kontrata e propozuar është “një hap i rëndësishëm së bashku me Komisionin Evropian për të siguruar gazin natyror për muajt e dimrit”, tha Petkov.

Qeveria e dorëhequr votoi edhe dëmshpërblimin e bizneseve për shkak të shtrenjtimit të energjisë elektrike nga 1 korriku deri më 30 shtator, i cili do të ndihmojë 633 mijë konsumatorë jo familjar.