Autoritetet në Shkup dënuan fishkëllimin e himnit kombëtar bullgar gjatë interpretimit të tij para ndeshjes mes ekipeve të futbollit të Bullgarisë dhe Maqedonisë së Veriut.

“Ngjarjet sportive janë shprehja më e lartë e parimeve të trajtimit të drejtë, respektit të ndërsjellë dhe konkurrencës në një frymë sportive. Keqpërdorimi i këtyre ngjarjeve për përhapjen e urrejtjes dhe intolerancës është e kundërta thelbësore e idesë së tyre kryesore”, thuhet në deklaratën zyrtare të Ministrisë së Jashtme të Maqedonisë.

“Edhe në të ardhmen, Maqedonia dhe Bullgaria do të vazhdojnë të punojnë në mënyrë aktive për përmirësimin e marrëdhënieve si aleatë në NATO, partnerë të ardhshëm në BE dhe, mbi të gjitha, fqinjë të mirë”, thuhet në deklaratë.

• Kombëtarja bullgare e futbollit mundi Maqedoninë e Veriut në një ndeshje të Ligës së Kombeve