GERB mbështeti propozimin e "Vëzrazhdane" për të rinegociuar Planin e Rimëkëmbjes dhe Qëndrueshmërisë në pjesën "Energjia" me qëllim ruajtjen e impianteve të qymyrit në Pellgun e Maricës. Ftesës së “Vëzrazhdane” për bisedime për këtë temë iu përgjigj vetëm GERB dhe “Ngritja Bullgare”. Më herët, GERB i bëri thirrje presidentit Rumen Radev që urgjentisht të mbledhë Këshillin e Sigurisë Kombëtare për çështjen e së ardhmes së termocentraleve të qymyrit. Për shkak të angazhimeve të tij sipas planit, vendi ynë do të humbasë miliarda leva, pasi do të duhet të ndalojë eksportin e energjisë elektrike nga viti 2026, thotë deputeti Deljan Dobrev. Megjithatë, ministri i Energjetikës Rosen Hristov bëri të ditur se vendi ynë ka kërkuar rinegocim të afateve dhe përqindjeve për mbylljen e termocentraleve të qymyrit, por Komisioni Evropian nuk është i prirur për kompromis.