Në një takim në Sofje me përfaqësues të kompanisë amerikane “Lockheed Martin”, presidenti Rumen Radev shprehu se pritet që prodhimi dhe dorëzimi i avionëve luftarakë F-16 të përfundojë me kohë, në mënyrë që vendi ynë të ruajë dhe zhvillojë aftësitë e veta për mbrojtjen e hapësirës sonë ajrore. Bullgaria vazhdon të kërkojë zgjidhje të qëndrueshme të cilat nuk do të lejojnë që vendi ynë të humbasë aftësitë e tij mbrojtëse, duke pasur parasysh skadimin e afatit të burimeve të fluturimit të avionëve MiG-29 dhe dërgimin e vonuar të avionëve luftarakë F-16 Block 70 tashmë të blerë, kujtoi presidenti.

Bullgaria ka lidhur kontratën për 8 avionët e parë luftarakë F-16 në fjalë në vitin 2019, duke paguar paraprakisht rreth 1 miliard euro. Por për shkak të pandemisë, prodhuesi njoftoi se mund të kryejë dorëzimin e parë sipas kësaj kontrate jo më herët se në vitin 2025.