Gjatë gjithë natës, që nga ora 20:00 e datës 2 janar, njerëzit po presin në radhë para hyrjes qendrore të Bankës Popullore Bullgare - BNB për të blerë monedhën përkujtimore për 175 vjetorin e lindjes së poetit dhe revolucionarit Hristo Botev.

Shumë nga ata që prеsin kanë ardhur nga provinca. Të gjithë personat fizikë dhe juridikë mund të blejnë vetëm 1 monedhë dhe kjo mund të ndodhë vetëm personalisht. Kjo është monedha e parë përkujtimore për vitin 2023 nga seria “Rilindja Bullgare”. Monedha e argjendit me prerje 10 leva (5.11 euro) shitet për 114 leva (58.3 euro).

• 146 vjet pas vdekjes së Hristo Botevit po e kërkojmë të vërtetën

BNB kujton se Hristo Botev është paraqitur në monedhat përkujtimore bullgare dhe kartëmonedha. Më shumë se 120 monumente në Bullgari dhe në mbarë botën i kushtohen atij - nga Argjentina, përmes Francës dhe Austrisë, në Turqi, Rumani dhe Rusi. Emrin e tij e mbajnë vendbanimet dhe majat, rrugët e bulevardet, shkollat dhe vatrat e kulturës në mbarë vendin.

• Kujtim për Botevin edhe jashtë Bullgarisë