Ndërpritet kontrata me kompaninë që kryente dezinfektimin e Pikës Kufitare “Kapiten Andreevo”. Këtë e njoftoi ministri teknik i bujqësisë Javor Geçev pas inspektimit të shërbimit të kamionëve në kufi. Për momentin situata në pikën kufitare është e qetë dhe nuk ka radhë kamionësh.

Ministri bëri të ditur se një kompani shtetërore do të marrë përsipër dezinfektimin e makinave në pikën kufitare, ndërsa për kompaninë e ardhshme do të jenë përgjegjëse disa institucione dhe ministri. “Qëllimi është që shteti ta menaxhojë procesin. Ky është edhe vullneti i presidentit Rumen Radev”, shpjegoi ai.

Një inspektim i kryer në verën e vitit 2022 tregoi se gjatë viteve, dhjetëra milionë leva kishin rrjedhur në kushte të paqarta në kompanitë private që kryenin dezinfektimin dhe kontrollin sanitar në kufirin me Turqinë. Më pas shteti u zotua të rimarrë kontrollin e kufirit.