Zëvendëskryeministri bullgar dhe ministër i punëve të brendshme Ivan Demerxhiev, zëvendëskryesekretari i Ministrisë së Punëve të Brendshme dhe kryetari i Agjencisë Shtetërore për Siguri Kombëtare ndodhen në Shkup për bisedime me autoritetet maqedonase për të garantuar sigurinë gjatë kremtimit të 151 vjetorit të lindjes së revolucionarit bullgar Goce Dellçev më 4 shkurt .

• Sofja dhe Shkupi me aksione të përbashkëta kundër incidenteve gjatë shënimit të përvjetorit të revolucionarit bullgar Goce Dellçev

Ministri i punëve të brendshme të Republikës së Maqedonisë së Veriut, Oliver Spasovski, e siguroi kolegun e tij bullgar, Demerxhiev, se autoritetet maqedonase do të marrin të gjitha masat e nevojshme që ngjarja të kalojë pa incidente. Demerxhiev tha gjithashtu se do të merren të gjitha masat që njerëzit që vijnë nga Sofja të mos bëjnë provokime. Ai vuri në dukje se mori garancinë e autoriteteve të Maqedonisë së Veriut se rasti i rrahjes së Hristijan Pendikov do të hetohet në mënyrë të paanshme.

• Politikanët kërkojnë që BE të mbrojë të drejtat e bullgarëve në Republikën e Maqedonisë së Veriut