Bullgaria nuk do të аrrijë të anëtarësohet në eurozonë nga fillimi i vitit të ardhshëm, pasi nuk ka miratuar tri projektligje kryesore dhe nuk plotëson kriterin e inflacionit. Si afatin më të hershëm dhe të mundshëm për vënien e euros në vendin tonë, ekspertët caktojnë mesin e vitit 2024 ose në një nga vitet e ardhshme. Sipas nënpresidentit ekzekutiv të Komisionit Evropian, Valdis Dombrovskis, data e mundshme është 1 janari 2025, por para kësaj vendi ynë duhet të përmbushë kriteret e Mastrihtit dhe problemi kryesor është inflacioni. Dombrovskis ndodhet për një vizitë dyditore në Bullgari për çështje që lidhen me anëtarësimin e Bullgarisë në Eurozonë, Planin e Rimëkëmbjes dhe Qëndrueshmërisë së vendit tonë, si dhe tema të tjera të agjendës evropiane.