Promovimi dhe mbrojtja e të drejtave të njeriut është prioritet kryesor i politikës së jashtme bullgare, deklaroi në Gjenevë ushtruesi i detyrës së ministrit të jashtëm Nikollaj Millkov, i cili mori pjesë në sesionin e Këshillit të OKB-së për të Drejtat e Njeriut dhe në Konferencën për Çarmatimin. Në fjalinë e tij ai vuri në dukje se vendi ynë po përkujton 80 vjetorin e shpëtimit të hebrenjve bullgarë gjatë Luftës së Dytë Botërore - një episod unik i historisë moderne, që na frymëzon të vazhdojmë të luftojmë kundër të gjitha formave të diskriminimit dhe urrejtjes. “Një vit pas fillimit të agresionit të Federatës Ruse kundër Ukrainës, vendi ynë dënon sërish kategorikisht të gjitha shkeljet e së drejtës ndërkombëtare në fushën e të drejtave të njeriut dhe të drejtës ndërkombëtare humanitare”, tha ministri, duke shtuar se këto shkelje kërkojnë si dënim unanim ashtu edhe përgjegjësia nga autorët.