21 marsi është dita e qytetit Kjustendill të Bullgarisë Jugperëndimore. Festa njihet si Pranvera e Kjustendillit dhe rikrijon një traditë të lashtë lokale që ndërthurte praktikat e kultit të trakëve dhe romakëve në nderimin e tyre ndaj hyjnive diellore dhe shëruesve Asklepius, Higija, Telesfor, Apollon dhe Dionisi me interpretimet e legjendës së krishterë të të dyzetë martirëve të shenjtë dhe shenjtëroren e kushtuar atyre në kodrën e ngritur mbi qytet Hisarllëka.
Në vitin 1966 filloi tradita e zgjedhjes së një vajze “Pranvera e Kjustendillit” e shoqëruar nga dy vajza të tjera. Vajzat simbolizojnë hapin e butë me të cilin vjen pranvera - rinia dhe shpresa e re, si tri Hariti (perëndeshat e bukurisë dhe haresë) nga pllakat e lashta të shenjta të gjetura nën Hisarllëka.
Festa “Pranvera e Kjustendillit” është edhe konkursi i parë në vendin tonë për vajzën më të bukur. Këtë vit, në prag të festës së qytetit, u zgjodh edhe fituesja e 56-të e titullit - kjo është Monika Jordanova.
Në rubrikën tonë “Kënga e ditës”, zgjodhëm një melodi popullore nga rajoni i qytetit Kjustendill, përfaqësuesja më e spikatur e së cilës është këngëtarja popullore Ollga Borisova. Në vitin 2021, para “Radio Bulgarisë”, në një nga daljet e saj të fundit në media para se të largohej nga kjo botë, Ollga Borisova u shpreh:
“Në rininë time gjithnjë nuk kisha kohë... tani e vlerësoj sa lumturi e madhe ishte të këndoja këngë popullore bullgare gjatë gjithë jetës sime. I jam mirënjohëse dhe i përulem gjeniut krijues të popullit tonë!”.
Për dekada, Ollga Borisova ishte soliste e Ansamblit të famshëm të Këngëve Popullore pranë BNT dhe BNR, i cili fitoi famë botërore me emrin “Misteri i zërave bullgarë”. Qindra këngë të saj ruhen në fondin e BNR dhe BNT dhe zëri i saj tingëllon në albumet e producentit zviceran Marcel Selye, njëri prej të cilëve u nderua me çmimin prestigjioz të muzikës amerikane “Grammy” në vitin 1991. Në vitin 1994, emri i këngëtares Ollga Borisova u përfshi në Enciklopedinë Botërore të Muzikës, botuar në Londër. Ajo është qytetare nderi e Kjustendillit dhe mbajtëse e Medaljes së Nderit të Presidentit të Republikës së Bullgarisë.
Kënga, me të cilën do të dëgjojmë Ollga Borisova, titullohet “Jana e bukur”, një baladë e mrekullueshme që zbulon pikëllimin e një vajze të re për të dashurin e saj, i cili u bë luftëtar për liri dhe drejtësi dhe “vrapoi në pyllin e dendur” dhe këshillën e skifterit, me të cilin fliste vajza: “Shko tek ai për të valëvitur flamurin me guxim”.
Redaktor: Krasimir Martinov
Përgatiti në shqip: Svetllana Dimitrova
Foto: Bashkia e qytetit Kjustendill"Sillvia" është një version i ri i një kënge të përjetshme të një prej dueteve më të njohura të viteve 80-të - Vëllezërit Argirovi. Kënga është një version i ri i "Parandjenjë për një varg" nga albumi "Një vajzë për dy" i Vëllezërve Argirovi, i..
Borisllav /Bobi/ Ivançev është një muzikant i ndikuar shumë nga magjia e radios. Ai është i njohur si pjesë e duetit “Avenue”, dhe kënga e tij e parë autoriale “Të gdhendur” tashmë po “udhëton” me sukses në valët e radios. “Kjo këngë është një..
Shpeshherë, kur flasim për Bullgarinë, përvijohet vija ndarëse midis "para" dhe "tani" - në aspektin politik, social dhe historik. Por ajo në të cilën vendi ynë është pa dyshim i pranishëm pa ndarje dhe pa periudha është historia botërore e..
Angell Djullgerov është një kitarist, autor i muzikës, aranzhues dhe producent muzikor. Vitet e fundit ai është një nga figurat më domethënëse në..