Institucionet bullgare nuk duhet të lejojnë zgjatjen e vendimit të miratuar nga Këshilli i BE-së në maj 2022 për vendosjen e një regjimi të përkohshëm të tregtisë së lirë me Ukrainën. Këtë e bëri thirrje para BNR-së ish-ministri i bujqësisë, Mehmed Dikme. Me këtë vendim për një periudhë një vjeçare u hoqën të gjitha tarifat dhe kufizimet për importin e mallrave bujqësore nga Ukraina. Dikme kujtoi se vendimin e kanë përkrahur edhe përfaqësuesit e Bullgarisë në Parlamentin Evropian. Ai u bëri thirrje fermerëve që të ndalojnë protestat tani dhe të vazhdojnë pas zgjedhjeve, ndërsa ministrit të bujqësisë Javor Geçev ai i rekomandoi të mos hipë në traktor në krye të protestave, por në aeroplan për në Bruksel dhe të kërkojnë dëmshpërblime adekuate për dëmet që pësuan fermerët bullgarë.