Agjentët e FBI-së arrestuan Xhack Tejshejra, një roje në Gardën Kombëtare të Forcave Ajrore të SHBA-së. I riu dyshohet se ka zbuluar dokumente dhe plane ushtarake top-sekret lidhur me luftën në Ukrainë, për të cilat do të dalë para një gjykate federale në Masaçusets. Nuk dihen ende motivet e tij, por supozohet se 21-vjeçari nuk është agjent i huaj. Pentagoni i përkufizon veprimet e tij si një akt kriminal të qëllimshëm. Kjo është rrjedhja më e madhe e të dhënave të klasifikuara amerikane në vite.

Ministrja e jashtme gjermane, Analena Berbok, e cila po viziton Kinën, u kërkoi nikoqirëve të saj të ushtrojnë ndikimin e tyre në Rusi për t’i dhënë fund luftës në Ukrainë.

Gjykata e Arbitrazhit në Hagë urdhëroi Rusinë t’i paguajë kompanisë ukrainase “Naftogaz” një kompensim prej 5 miliardë dollarësh për shkak të aneksimit të Gadishullit të Krimesë në vitin 2014, njoftoi kompania në Facebook. Ata shpjeguan se për shkak të aneksimit humbën platformat e shpimit, tubacionet e gazit, flotën e tyre dhe ndërtesat administrative.

Këshilli i BE-së përfshiu Grupin Ushtarak privat “Wagner” dhe agjencinë ruse të lajmeve RIA FAN në listën e sanksioneve të BE-së. RIA FAN është pjesë e një grupi mediatik rus, bordi i të cilit drejtohet nga Eevgeni Prigozhin, i cili financon Grupin “Wagner”.