Presidenti Rumen Radev nuk do të vonojë konsultimet me forcat parlamentare për formimin e qeverisë dhe do të respektohen të gjitha afatet kushtetuese, siguroi nënpresidentja Ilijana Jotova. “Sa më shpejt të formohet një mazhorancë dhe mundësisht një qeveri, aq më mirë. Nga institucioni ynë vazhdimisht themi se të gjithë në vend janë të interesuar për formimin e një shumice të qëndrueshme dhe të një kabineti”, tha ajo. Me rastin e marrëveshjes së arritur në mes të GERB-SDS dhe Po e vazhdojmë ndryshimin – Bullgaria Demokratike (PP-DB) që Kuvendi Popullor dhe komisioni ligjor parlamentar të udhëhiqen me rotacion, nënpresidentja komentoi se juristët duhet të vendosin nëse kjo është kushtetuese. Ajo u bëri thirrje përfaqësuesve të popullit që të fillojnë të punojnë sa më shpejt mbi ligjet që lidhen me Planin e Rimëkëmbjes dhe Qëndrueshmërisë.