“Bullgaria do të vazhdojë të mbështesë kategorikisht Ukrainën me të gjitha mjetet që ka në dispozicion”, tha kryetari i Kuvendit Popullor Rosen Zheljazkov në një takim me kryetarin e Radas Supreme të Ukrainës Rusllan Stefançuk. Të dy u takuan në kuadër të Konferencës së Kryetarëve të Parlamenteve të Shteteve Anëtare të BE-së në Pragë të Çekisë. Zheljazkov theksoi se lufta e Rusisë kundër Ukrainës dëmton ndjeshëm sigurinë e Evropës në përgjithësi dhe të vendeve të Detit të Zi në veçanti. Stefançuk falënderoi Bullgarinë për pozitën e saj konsekuente dhe mbështetjen për integrimin euroatlantik të Ukrainës. Ai theksoi se ndër provat e qëndrimit të tij është vendimi i miratuar nga Kuvendi Popullor vitin e kaluar për të ofruar ndihmë ushtarake dhe ushtarako-teknike për Ukrainën.