BSP nuk do të mbështesë projektbuxhetin e qeverisë së përkohshme. Këtë e njoftoi kryetarja e socialistëve, Kornelija Ninova, sipas së cilës kuadri financiar i propozuar është antisocial, me shpenzime të pajustifikuara dhe të ardhura të nënvlerësuara. Sipas socialistëve, deficiti i propozuar prej 6.4% është i fryrë në mënyrë joreale dhe ata duan që ministrja në detyrë e financave, Rosica Vellkova, të dëgjohet në parlament. Ata duan të dinë nëse janë të vërteta informacionet se qeveria shpenzoi më shumë në muajt e parë të vitit nga sa parashikohej me ligj, si dhe se kësti i parë i parave në kuadër të Planit të Rimëkëmbjes dhe Qëndrueshmërisë, që mbërriti në Bullgari, nuk u shfrytëzua për qëllimin e synuar dhe tani duhet të rikthehet. “Kabineti teknik kërkon që ne ta legalizojmë paligjshmërinë e tyre”, komentoi Ninova.

• Kabineti propozon Buxhetin e vitit 2023 me një deficit prej 6.4%