Me aktivitete të shumta në vend dhe në mesin e komuniteteve bullgare jashtë vendit, më 11 maj nderohet kujtimi i vëllezërve të shenjtë nga Selaniku Konstandin-Kirill dhe Metodij. Të dy shkëlqenin në shekullin e 9-të. I quajmë iluministë sllavë, sepse ata i arsimuan popujt sllavë duke krijuar alfabetin glagolitik për gjuhën sllave. Puna e tyre, e cila filloi me misionin në Moravinë e Madhe, u vazhdua dhe u zhvillua me sukses nga nxënësit e tyre ndër sllavët bullgarë.

• Shpirti i mësuesve të parë sllavë na thërret afër brigjeve të Moravisë

Gradualisht, shkrimi dhe letërsia e re u përhap në popujt e tjerë sllavë, nëpërmjet alfabetit të ri cirilik. Kështu, për herë të parë, zyrtarisht me bekimin e Papës romake dhe të kishave të tjera vendase, u mposht dogma se krishterimi mund të përhapet vetëm në latinisht, greqisht dhe hebraishten e vjetër.

Që nga epoka e Rilindjes Kombëtare Bullgare, edhe para rivendosjes së pavarësisë shtetërore, bullgarët e nderojnë 11 majin si festë kombëtare e letërsisë dhe arsimit.

• 24 maji – festa e mësuesve dhe edukatorëve të parë sllavë

Papa Gjon Pali II shpalli në vitin 1980 Shenjtorët Kirill dhe Metodij patronë qiellorë të Evropës, dhe me enciklikën “Slavorum Apostoli” e përkufizoi veprën e tyre si një urë shpirtërore midis traditave kulturore dhe fetare të Evropës Lindore dhe Perëndimore.

• Vëllezërit e Shenjtë Kirill dhe Metodij – mbrojtësit e Evropës