Një nga artistet më të suksesshme në skenën muzikore bullgare - Poli Genova, e cila në vitin 2016 fitoi për Bullgarinë vendin e katërt prestigjioz në Eurovizion me këngën "If Love Was a Crime", krijoi një këngë të re - "Mos e bëj këtë ".
Ndërsa Poli udhëtonte në Evropë, duke kënduar para fansave të shumtë në Barcelonë, Varshavë dhe Madrid, ajo krijoi një këngë të frymëzuar nga nostalgjia e epokës së artë të MTV.
Teksti i "Mos e bëj këtë " është në bullgarisht dhe ndjek linjën e tingullit disko që është karakteristik për Poli në këngët e saj të viteve të fundit. Autorë të saj janë Shterion Pilidov dhe Elena Sirakova. Kënga do të jetë pjesë e albumit të ri të Poli Genovës, me të cilin ajo pritet të kënaqë publikun e saj në fund të vitit.
Për entuziazmin rreth krijimit të këngës, Poli thotë: "Ky projekt i freskët dhe i ndryshëm, i frymëzuar nga muzika e fundit të viteve '80 dhe '90, na zhyt në energjinë që na bën të kërcejmë në ritmin e diskos! Falë të gjithëve ekipi, me të cilin punuam me shumë dëshirë, krijuam një makinë të vogël muzikore kohore. Kënga dhe videoja plotësojnë njëra-tjetrën në mënyrë të përkryer dhe janë një dhuratë për të gjithë ata që kanë pritur për një kohë të gjatë një këngë në bullgarisht nga unë."
Përpiloi: Diljana Traçeva
Përgatiti në shqip: Vesella Mançeva
Në një periudhë kyçe për Mihaella Marinovën, ku jeta dhe muzika e saj ndërthuren, këngëtarja prezanton ndoshta këngën më personale të saj – "100 ëndrra". Kjo këngë është e frymëzuar nga rruga, që ajo përshkoi gjatë dhjetë viteve të fundit – një..
Një nga forumet më të rëndësishme të xhazit në Bullgari – Plovdiv Xhaz Fest – filloi në korrik me një edicion në fshatin Markovo, për të vazhduar në vjeshtë në Plovdiv, kur tradicionalisht mund të presim një takim me disa nga emrat më madhështorë të..
Kënga "Mjeshtri i Bojanës" mbeti gjatë në repertorin e Lili Ivanovës. Në YouTube mund të shihen dhe dëgjohen shumë interpretime të saj nga koncerte të ndryshme gjatë viteve dhe për mua është vërtet një gëzim që kjo këngë, edhe sot – më shumë se 55..