Kreu i shtetit Rumen Radev ia dorëzoi mandatin e dytë për formimin e qeverisë Nikollaj Denkovit - kandidati për kryeministër nga grupi i dytë parlamentar më i madh në Legjislaturën e 49-të të Kuvendit Popullor - "Po e vazhdojmë ndryshimin - Bullgaria Demokratike" (PP-DB).
"Si president dhe komandant i përgjithshëm, jam thirrur të mbroj shtetin bullgar. Prandaj është e papërshtatshme që t'ju jap një mandat dhe t'jua besoj fatin e Bullgarisë në duart e liderëve tuaj pas të dhënave të zbuluara...”, tha presidenti Radev.
Megjithatë, ai shtoi se është i detyruar të mbrojë edhe Kushtetutën, në bazë të së cilës duhet t'ia dorëzojë mandatin eksplorues forcës së dytë parlamentare. Presidenti i bëri thirrje koalicionit që të rishqyrtojë përshtatshmërinë e shfrytëzimit të këtij mandati, i cili, sipas tij, tashmë është diskredituar.
"Bullgaria ka nevojë për një qeveri të qëndrueshme që duhet të zgjidhë problemet e njerëzve dhe ta çojë përpara rrugën evropiane të Bullgarisë. Bullgaria gjithashtu ka nevojë për një parlament të qëndrueshëm, detyra më urgjente e të cilit është miratimi i buxhetit, nga i cili varen pagat, pensionet, shpenzimet kapitale...", u përgjigj Nikollaj Denkov. "Shpresoj se përpjekja jonë do të mbështetet dhe se javën e ardhshme do të kemi një qeveri të qëndrueshme të rregullt", shtoi ai.
Mandatin e parë për formimin e kabinetit, kandidatja e GERB-SDS për kryeministre Maria Gabriel ia ktheu të paplotësuar presidentit Rumen Radev. Më herët doli se dy forcat më të mëdha në parlament kishin rënë dakord për një kabinet me mandat të dytë, i cili do të kishte një kryeministër me rotacion dhe do të kryente një reformë kushtetuese të sistemit të drejtësisë. Mirëpo, mes mandatit të parë dhe të dytë, një deputet nga PP-DB përhapi një incizim skandaloz të një mbledhjeje të PP-së, si pasojë e të cilit GERB i ngriu negociatat me PP-DB.
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..
Ali Ahmeti, kryetar i partisë më të madhe shqiptare në Maqedoninë e Veriut, Bashkimi Demokratik për Integrim, foli më 16 prill me ambasadorin bullgar në Shkup, Angell Angellov, njoftoi BGNES. Në takim, Ahmeti tha se deklaratat e kryeministrit..