Të premten në Bullgarinë Veriperëndimore, në rajonin perëndimor dhe qendror të malit Predballkan do të ketë reshje lokale intensive dhe të konsiderueshme, që do të arrijnë deri në 30-50 litra për metër katror. Kod portokalli për reshje të rrezikshme është i shpallur për 9 zona ndërsa i verdhë në 7 të tjera.

Në zonat lindore do të mbajë mot kryesisht me diell. Temperaturat minimale do të jenë nga 15 deri në 18°, në Sofje - 15°. Temperaturat maksimale do të lëvizin nga 21 deri në 30°. Në kryeqytet do të jetë 21°.

Mbi Detin e Zi do të jetë me diell. Temperaturat maksimale të ajrit do të jenë 23-26°. Uji i detit është 22-23°.

Në malet mbi masivet perëndimor dhe qendror do të ketë reshje intensive. Temperatura në lartësi 1200 m do të jetë deri në 17°, në 2000 m deri në 10°.

Gjatë fundjavës do të ketë reshje shiu edhe në zonat lindore. Ka një mundësi të shtuar për breshër. Të shtunën reshjet, kryesisht në rajonin e maleve Rilla dhe Rodopet dhe në luginat, do të arrijnë deri në 50-70 litra për metër katror.