Një nga këngëtarët më interesantë dhe më të njohur të skenës muzikore moderne bullgare - Tino - do të mbajë një koncert sonte /21 qershor/ në “Kino Cabana” në Sofje. Në "TINO Live" pranë tij qëndrojnë muzikantët Ivac Yankov, Marijan Nikollov dhe Nikollaj Kërxhiev.
Kirill Haxhiev, i njohur si Tino, fitoi popullaritet me pjesëmarrjen e tij në formatin muzikor televiziv "Zëri i Bullgarisë". Pas kësaj, ai regjistroi disa këngë - si solo ashtu edhe në duet me disa nga këngëtaret tona të reja më të njohura si Mihaella Fileva dhe Milla Robert. E fundit prej tyre - dueti me Dara Ekimova "Mos më zgjo" - u bë shpejt hit. Interpretuesit punojnë së bashku në krijimin e muzikës dhe tekstit, ndërsa për aranzhimin janë partnerë me Iskren Tonçev (Iskrata).
“Mos më zgjo” është një këngë për të pamundurën. Tregon për dy persona që nuk mund të gjejnë një rrugë të përbashkët në realitet, ndaj e kërkojnë në ëndrra", thotë Tino.
Dara Ekimova shton: "Videoja e "Mos më zgjo" është elementi i fundit i një kënge shume sensuale dhe e forte. Jam e lumtur që e realizuam këtë projekt bashkë me Tino”.
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan krijon një tingull dramatik me muzikë dhe aranzhim bazuar në poezinë e poetit të madh Damjan..
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk ka dashuri ” i kushtohet muzikës, si pjesa më e bukur dhe më kuptimplote e jetës së artistit të ri...
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka". Emin Al-Xhunejd e njohim nga pjesëmarrja e tij në Konkursin Kombëtar të Këngës Argëtuese..