Të dhënat e fundit për gjendjen e ujërave të detit pas shpërthimit të murit të digës “Nova Kakhovka” në Ukrainë nuk konstatojnë ndotje të zonës ujore bullgare, njofton Ministria e Mjedisit dhe Ujërave. Parashikimi për pjesën veriperëndimore të Detit të Zi mbetet i favorshëm pasi ndotësit e mundshëm mbeten përgjatë bregdetit ukrainas. “Ujërat bullgare të Detit të Zi janë të pastra. Parashikimet paraprake tregojnë se nuk pritet ndotje në 10 ditët e ardhshme”, konfirmoi ministrja e turizmit Zarica Dinkova në një takim me industrinë e turizmit në qytetin bregdetar Burgas. Sipas saj, kundër vendit tonë po zhvillohet një fushatë hibride brenda dhe jashtë vendit, me të cilën duhet të merren ministria, industria dhe media për të mbrojtur markën “Bulgaria”.