Në Sofje u prezantua libri “Bimët mjekësore” - vepër e Qendrës Kërkimore Shkencore “Enciklopedia Bullgare” pranë Akademisë Bullgare të Shkencave. Në të lexuesit mund të gjejnë informacion për më shumë se 270 bimë të përhapura në trojet tona dhe të përdorura prej shekujsh në mjekësinë popullore.
Enciklopedia është е orientuar te një gamë të gjerë njerëzish - nga adhuruesit e bimëve deri te specialistët, prandaj informacioni në të paraqitet në një gjuhë të arritshme. Mund të jetë një referencë e vlefshme për mjekët dhe farmacistët, si dhe një ndihmës praktik për çdo pacient, falë recetave të sprovuara.
Libri ofron njohuri bazë për bimët mjekësore, për substancat biologjikisht aktive që përmbajnë ato, për shenjat dalluese me të cilat ato mund të njihen lehtësisht. Ai gjithashtu përmban këshilla për mbledhjen, tharjen dhe ruajtjen e bimëve, si dhe receta për përdorim në shtëpi. Dhe për ta shijuar këtë pasuri natyrore në të ardhmen, ka informacione se si të kujdesemi dhe të ruajmë atë.
“Bullgaria është në vendin e parë në Evropë dhe ndër të parat në botë në eksportin e bimëve mjekësore – tha për BNR Viktorija Llazova, drejtoreshë e qendrës kërkimore shkencore. – Gjysma e tyre kultivohen, d.m.th. rriten qëllimisht nga njeriu. Vërtet vendi ynë është shumë i pasur me bimë mjekësore, por interesante është se shkencëtarët vazhdojnë të zbulojnë specie të reja.”
Sipas Dr. Radka Josifova, kryeredaktore shkencore e enciklopedisë, interesi për bimët mjekësore në vendin tonë dhe në plan ndërkombëtar është në rritje dhe ato përdoren gjithnjë e më shumë në trajtimin dhe parandalimin e shumë sëmundjeve në mënyrë të pavarur ose si shtesë e terapisë konvencionale. Interes të shtuar po shfaqin edhe kërkuesit e “zakonshëm” të ajrit të pastër, ushqimit të shëndetshëm dhe ilaçeve nga kurra natyrale.
“Interesimi është vërtet i madh tek njerëzit në Bullgari – thekson edhe Viktorija Llazova. - Sot flitet gjithnjë e më shumë për të jetuarit në harmoni me natyrën dhe bimët mjekësore janë pjesë e këtij kuptimi, sepse ato janë një ilaç që mund ta përdorim për një kohë të gjatë në shtëpi dhe pa dëmtuar organizmin tonë. Sidomos për këtë qëllim – për ta bërë të aksesueshme për lexuesin masiv, nuk kemi përfshirë në libër barishte shumë të forta që duhen marrë me recetë të mjekut.”
Edhe pse relativisht e re në tregun e librit, enciklopedia është shumë e kërkuar, që do të thotë se njerëzit u besojnë autoriteteve në këtë fushë.
Mendoj se bullgarit i intereson jo vetëm të ashtuquajturat recetat e gjyshes – shton Viktorija Llazova. – Sigurisht që në librin tonë janë përfshirë edhe recetat e gjyshes – ato që u testuan në praktikë dhe aplikohen prej shekujsh. Mirëpo, bullgarit i interesojnë edhe informacionet më të fundit shkencore, të publikuara në enciklopedi – çfarë janë barishtet, cila është përbërja e tyre.”
Lexoni më shumë për barnat dhe kur janë më shëruese sipas përfytyrimeve popullore bullgare:
Teksti: Diana Cankova (sipas intervistës së Veselina Millanova nga programi “Horizont” i BNR)
Përgatiti në shqip: Svetllana Dimitrova
Foto: Pixabay, BТА
Një grup majmunësh jashtëzakonisht të bukur dhe ekzotikë - majmunët kolobus – janë sjellë në kopshtin zoologjik të Sofjes. Kolobusi tani mund të shihet në ndërtesën e dytë të majmunëve dhe për ta janë përgatitur disa nga rrethimet më të bukura të mëdha..
8 qershori në Bullgari është një ditë reflektimi para zgjedhjeve për parlamentin kombëtar dhe atë evropian. Këtë ditë zgjedhësi duhet të lihet vetëm me ndërgjegjen e tij për të marrë vendimin më të arsyeshëm për të, se për kë do të japë votën e tij...
Bullgaria është ndër vendet në Evropë me përqindje të lartë të studentëve të huaj. Për momentin pesha e studentëve të huaj në vendin tonë është rreth 8%, çka na rendit ndër vendet e para në rajon. Këto të dhëna i prezantoi ministri i Arsimit, Galin..
Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe..
Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin..
Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i..