GERB-SDS do të paraqesë propozime ndërmjet dy leximeve të buxhetit për rritjen e pagave në sektorë të ndryshëm për afro 200 milionë leva. Sipas nënkryetares së Grupit Parlamentar të GERB-SDS, Denica Saçeva, ka sektorë me vonesë drastike, ku inflacioni nuk kompensohet mjaftueshëm sa i përket të ardhurave. Para gazetarëve në Kuvendin Popullor, pas takimit me kryesinë e Konfederatës së Sindikatave të Pavarura në Bullgari (KNSB), Saçeva theksoi se kërkesat e sindikatave për rritjen e të ardhurve janë të drejta. Pas një takimi me përfaqësues të Konfederatës së Punës “Podkrepa” duke hyrë në parlament, kryetarja e “BSP për Bullgarinë” Kornelija Ninova theksoi gjithashtu se kërkesat e atyre që punojnë në sektorin publik, përfshirë BNR-në, janë të drejta, pasi të ardhurat e tyre aktualisht nuk mund t’i lejojnë të jetojnë normalisht. Më vonë në Kuvendin Popullor, pas një takimi me kryesinë e KNSB-së dhe përfaqësues të BNR-së, Institutit Kombëtar të Sigurimeve dhe Agjencisë Kombëtare të të Ardhurve, Ninova saktësoi se Grupi Parlamentar i “BSP-së për Bullgarinë” parashtroi disa nga kërkesat që sindikatat paraqitën para tyre në mëngjes, si propozime për projektbuxhetin e vitit 2023 ndërmjet leximit të parë dhe të dytë.

• Protesta sindikale para parlamentit, për shkak të pagave në sektorin publik
• Buxheti 2023 nuk do të kompensojë pagat e atyre që punojnë në sektorin publik
  
• Buxheti 2023 kaloi në lexim të parë në Kuvendin Popullor