Krijuesi Vlladi Ampov - Grafa edhe një herë i kaloi standardet, dhe në një duet me Tino, prezantoi veprën e tij më të re – “Fiasko”. Kënga u përfshi në albumin e ri të Grafa “Pylli shekullor”.
Potenciali i këngës zbulohet që në sekondat e para, por ajo që e bën unike është aranzhimi, melodia dhe teksti inovativ, krijuar nga vet këngëtari. Shumë kohë më parë, me muzikën që krijon, Vlladi Ampov - Grafa dëshmoi veten si një mjeshtër i përsosur për të tërhequr vëmendjen mbi çështje të rëndësishme për shoqërinë. Me një dozë humori, muzikanti prezanton temat e integritetit në jetë, gënjeshtrës në marrëdhëniet njerëzore si dhe paraqet moralin e kthyer në fiasko: “Paketimi shkëlqen në sy, por morali është në prag të fiaskos”.
Videoja e këngës “Fiasko” meriton vëmendje të veçantë. I frymëzuar nga tingulli dhe teksti i këngës, regjisori Svilen Savov në ekip me operatorin Viktor Dobrev prezantojnë një mini-film me personazhet kryesore Grafa dhe Tino. Dinamika e videos është në sinkron me ritmin energjik të këngës dhe, pa qenë një ritregim vizual fjalë për fjalë i tekstit, përforcon rëndësinë dhe ndikimin e saj.
Përgatiti në shqip: Svetllana Dimitrova
Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e..
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë..