Dy herë më shumë turistë të huaj nga vende të ndryshme kanë ardhur në Bullgari për turizëm aventure këtë verë në krahasim me vitin e kaluar. "Sezoni siç duket do të jetë një sezon vërtet i mirë," tha Ljubomir Popjordanov, kryetar i shoqatës "Malet dhe njerëzit", për gazetaren e BNR Milla Mlladenova. Aktivitetet e preferuara për turistët e huaj janë trekking, alpinizëm, kalërim, turizëm me biçikleta, kampe aventure për fëmijë, pushime në bujtina.

"Përparësitë e Bullgarisë janë pasuria e burimeve natyrore në një territor shumë të vogël, të cilat vlerësohen shumë nga turistët gjermanë, francezë, spanjollë dhe anglishtfolës", theksoi Popjordanov. Për këtë lloj turistësh janë interesante vendet me pak prezencë njerëzore. Natyra dhe traditat janë interesante, si dhe kuzhina e mirë që nuk kërkon hotele masive dhe shërbime hoteliere.

Lexoni më tepër:

• Peshkatarët në Nikopoll po tërheqin gjithnjë e më shumë turistë

• Stranxha është për eksplorues dhe njerëz me një shpirt aventuresk

• Nikollaj Petkov: “Malet bullgare ofrojnë mundësi të larmishme për ngjitje”