Në një ceremoni në Sofje u hap zyrtarisht Dhoma e Tregtisë Bullgari-Kosovë. Aktiviteti, i cili u mbajt më 27 shtator, u hap nga Tomisllav Collov, kryetar i Bordit të Dhomës Tregtare Bullgaro-Kosovare, në prani të zëvendësministres së punëve të jashtme Elena Shekerletova dhe qytetarëve dhe përfaqësuesve të biznesit nga Republika e Kosovës dhe Republika e Bullgarisë, njofton Ministria e Punëve të Jashtme. Tomisllav Collov i dorëzoi një certifikatë të veçantë kompanisë së parë që u bë anëtare e dhomës së sapoformuar të tregtisë. Për palën e Kosovës morën pjesë Liza Gashi, zëvendësministre e punëve të jashtme dhe diasporës, Mentor Arifaj, zëvendësministër i industrisë, ndërmarrësisë dhe tregtisë dhe Delfin Pllana, i ngarkuar me punë në Ambasadën e Republikës së Kosovës në Bullgari.