Unë mbështes fuqimisht që Bullgaria dhe Rumania të bëhen pjesë e Shengenit. Gjermania avokon për këtë në BE dhe parakushtet janë të vendosura, tha kancelari gjerman Olaf Scholz pas një takimi me kryeministrin Nikolla Denkov në Berlin.

“Ne po i shikojmë me shumë interes reformat në sistemin gjyqësor në Bullgari, sepse sundimi i ligjit është një nga arritjet më të rëndësishme në BE”, tha gjithashtu Scholz. Sipas tij, Bullgaria dhe Gjermania janë partnerë, aleatë dhe miq të besueshëm.

“Ne patëm mundësinë të diskutonim disa nga temat më të nxehta”, vuri në dukje kryeministri Nikollaj Denkov dhe theksoi se një nga çështjet e rëndësishme të diskutuara ishte mbrojtja e kufijve të BE-së, si rezultat i përpjekjeve të Bullgarisë kundër trafikimit të migrantëve të paligjshëm.

I pyetur për integrimin evropian të Maqedonisë së Veriut, Scholz shprehu shpresën se kjo do të ndodhë “në bashkëpunim të ngushtë me Bullgarinë”.