Vëllimi i transaksioneve për shitjen e pasurive të paluajtshme është ulur me 12% dhe pothuajse me të njëjtën përqindje është rritur çmimi. Këtë e evidentuan ekspertët e fushës së pasurive të paluajtshme në konferencën vjetore të agjentëve, që zhvillohet në Burgas (3 - 4.11), njoftoi korrespondentja e BNR në Burgas Daniella Kostadinova. Pavarësisht rënies së numrit të transaksioneve, krahasuar me vitin 2021, si dhe ndërtimeve të reja, ku raportojnë një rënie prej 50%, çmimet nuk po bien për shkak të kërkesës më të madhe. Sipas kryetarit të shoqatës së degës, Aleksandër Bojçev, nuk ka çmime të fryra artificialisht në shitjen e pasurive të paluajtshme, dhe shtëpitë shiten masivisht para se të ndërtohen ndërtesat. Në Sofje çmimet mesatare aktualisht janë rreth 1500 euro për metër katror dhe në disa rajone arrijnë deri në 4000. Çmimet variojnë sipas cilësisë, lagjeve dhe aksesit të transportit.