Ka një vendim të qeverisë bullgare për të mbështetur teknikat e reja gjenomike për ushqim dhe foragjere, tha deputeti Toshko Jordanov nga "Ka një popull të tillë". Ai lexoi në parlament një deklaratë kundër vendimit. Në një letër të hapur, koalicioni "Që të mbetet natyra në Bullgari" këmbëngul se "qeveria të mos lejojë heqjen e rregulloreve që mbrojnë evropianët nga përhapja e pakontrolluar e OMGJ-ve në natyrë dhe ushqim". Ky qëndrim u mbështet edhe nga organizata të tjera joqeveritare dhe ekspertë. “KE këmbëngul që teknikat e reja gjenomike të Kategorisë 1 të përjashtohen nga vlerësimi i rrezikut. Në realitet, ata përdorin teknologjinë dhe modifikimin e ADN-së”, shpjegoi për BNR Dr. Svetlla Nikollova, nga shoqata “Agrolink”. Ajo beson se pas heqjes së rregulloreve qëndron "i njëjti lob që shtyu heqjen e rregullores për të reduktuar pesticidet". Më 11 dhjetor, ministrat e bujqësisë të BE-së do të diskutojnë ndryshimet.