Bullgaria dhe India synojnë të rivendosin marrëdhëniet intensive diplomatike. Gjatë vizitës së punës së kryetarit të Kuvendit Popullor Rosen Zheljazkov në Delhi, u diskutua thellimi i bashkëpunimit në sfera të ndryshme. Investimet do të inkurajohen me nënshkrimin e pritshëm të marrëveshjes së tregtisë së lirë ndërmjet BE-së dhe Indisë, u sqarua në bisedimet me nënpresidentin e Indisë dhe kryetar të Dhomës së Lartë të Parlamentit, Xhak Dijp Hankar. Gjithashtu do të nënshkruhet një program dypalësh për arsimin dhe kulturën.

Investimet dypalëshe “nuk janë vetëm në fushën e outsourcing-ut, prodhimit të çelikut, por edhe në teknologjitë e reja. E rëndësishme është që ne nuk kemi marrëdhënie të pazgjidhura”, theksoi Zheljazkov. Ai dha si shembull të mirë faktin se ofruesi i tretë më i madh i internetit në Indi është një kompani bullgare.