Pothuajse 750 leva është pensioni mesatar i paguar në Bullgari për janarin e vitit 2024. Sipas të dhënave të Institutit Kombëtar të Sigurimeve (NSI), ai është 652 leva (333 euro) për femrat, ndërsa për meshkujt afërsisht 894 leva (457 euro). Pensioni mesatar për kohëzgjatjen e shërbimit dhe moshën është më i lartë dhe është përkatësisht - 681 leva (348 euro) për gratë dhe 908 leva (454 euro) për burrat, raportoi reporterja e BNR Cvetelina Stojanova. Pensionet janë më të lartat në kryeqytet - mesatarisht 930 leva (475 euro), dhe më të ulëtat janë në rajonin e Kërxhalit (Bullgari Jugore) - 592 leva (302 euro).

Numri i pensionistëve në këtë muaj është pothuajse 2 041 000 (me një popullsi të Bullgarisë prej 6 447 710 banorësh sipas të dhënave të NSI më 31/12/2022). Pensionistët meshkuj janë dukshëm më pak - 826 000, ndërsa femrat arrijnë në 1 215 000.