Qeveria do të vazhdojë të përmbushë angazhimet e saj zyrtare deri në zgjedhjen e një të reje. Kështu tha kryeministri Nikollaj Denkov gjatë diskutimit të projektvendimit të paraqitur nga “Po e vazhdojmë ndryshimin – Bullgaria Demokratike” (PP-DB) për pranimin e dorëheqjes së tij në parlament.

• Kryeministri Nikollaj Denkov dha dorëheqjen

Denkov shprehu gatishmërinë që të vazhdojë zbatimin e programit të qeverisjes me Maria Gabriel si kryeministre. Ai falënderoi atë dhe deputetët që mbështetën kabinetin dhe theksoi se mbetet për t'u zbatuar pika e gjashtë kyçe, e cila parashikon krijimin e një mekanizmi për marrëveshje paraprake midis grupeve parlamentare për nominimet për organet rregullatore të zgjedhura nga parlamenti.

“Është koha që bashkë me ju të bëjmë këtë hap vendimtar, të tregojmë qëndrueshmëri dhe respekt për të mirën e njerëzve dhe biznesit, duke shkuar deri në fund të rrugës së reformave që kemi nisur nëntë muaj më parë”, vuri në dukje Denkov dhe shtoi se duhet guxim politik, për të pasur gjyqtarë dhe prokurorë të pavarur.

• Më shumë se gjysma e bullgarëve nuk janë të kënaqur me punën e qeverisë