Për anëtarësimin e Bullgarisë në eurozonë, pyetja nuk është nëse, por kur. Një mendim të tillë e shprehu guvernatori i Bankës Kombëtare Bullgare /BNB/, Dimitër Radev, në konferencën në Sofje "Rruga evropiane e Bullgarisë - anëtarësimi në eurozonë: përparësi dhe sfida për biznesin", organizuar nga Ministria e Financave. Në forum mori pjesë edhe kryetari i Eurogrupit, Pascal Donahue, i cili është për vizitë në vendin tonë.

Radev vuri në dukje se BNB dhe sektori bankar në vendin tonë janë tashmë në një masë të madhe pjesë e mekanizmave të punës së eurozonës, duke specifikuar se Bullgaria është i vetmi vend në BE që është anëtar i unionit bankar - një institucion kyç i eurozonës, pa qenë anëtare e vetë eurozonës. Sipas tij, vendi ynë ka mbajtur një politikë fiskale shumë të disiplinuar për më shumë se një çerek shekulli dhe rezultati është i dukshëm – kemi borxhin e dytë më të ulët ndaj PBB-së në BE. “Nëse vazhdojmë në këtë rrugë, Eurozona do të fitojë një zë tjetër të arsyes për zgjidhjen e çështjeve fiskale”, tha Dimitër Radev.

• Është realiste që Bullgaria të vërë në qarkullim euron në vitin 2025

• Leva do të jetë e këmbyeshme përgjithmonë edhe pas futjes së euros

• Bullgaria në Eurozonë – avantazh apo disavantazh?